Kya Kashish hai...... Something is there in the Beauty

Beauty.... This name can be given to the MONALISA.

Monalisa- my passion.....

When I saw her first time, she knocked my heart right the way.

Really, she never looks like a mere painting, but she is a true symbol of art of love, devotion and beauty......

While writing this poem, she was in front of me for the whole time. It is really a pleasure for me to write few words for her.....

Kya kashish hai.....

Teri tasweer me,

Tu dil ke itne paas aur zindagi ke itne kareeb nazar aati hai.

Kya kashish hai.....

Teri muskaan me,

Tu mere tan-man ko pal bhar me mahka jati hai.

Kya kashish hai.....

Teri aankhon me,

Jee chahta hai ki is samandar me hamesha ke liye doob jaaun.

Kya kashish hai.....

Teri sirf ek jhalak me,

Tu khwaabo- khayaalo me aa, mujhko tadpaati hai.

Socho to kya hoga?

This poem is all about the thinking and the real way of living life....

What is there in the thinking? Is it making our life hard? Or is making it more easier to live?

Just think at once.... and the world will be yours....

(I wrote this poem only after coming to the college life and also got a prize for it in an event held at our college)

Suno Saathiyon, Namaskaar, Aadaab Arz Hai, Sat Shri Akaal,

Kyon ho pareshaan, kyon ho itne behaal,

Yahaan hai swaagat aapka, macha lo jitni chahe dhamaal,

Hanslo muskaalo thoda - Kaho kaisa hai khyaal?

Baat to bhai nayi hai, nahi hai koi purani,

Kya meri, kya teri, hai sabki ek kahaani.

Bita di sochne me, abhi tak apni umra saari,

Aaz bina soche din guzaara, dekha zindagi hai kitni pyari.

Chaar din ki hi to yeh zindagi hai, pal bhar me yeh guzar jayegi,

Is ek pal ko to jeele jee bharke, nahi to yeh bhi tadpaa jayegi.

Zindagi jeene ke liye, sochna zaroori bilkul nahi,

Par hum soche bhi, to kya hoga...... Jeena yahin, hai marna yahin.

Chalo aaz phir se, hum soche ek baar,

Lekin sochne ka hoga alag andaaz.

Zindagi ko rulana nahi, khushgawaar banana hai,

Socho to kya hoga, phir aisi zindagi ka raaz.

Abhi to hum chhote hain, par itne bhi nahi khote hain,

Shuru huye hain naye-naye college, badh rahi hai din pe din knowledge.

Yahaan aake kuch duniya aur hai humne dekhi,

Paye hain kuch anubhav, aur sochi hain kuch baat,

Kitna achchha ho din me, jo ho sirf aath ghante,

Aur beete woh saara waqt bhi, manate huye chaandni raat.

Saptaah bhi badle zaldi, maheene me baar-baar,

Din bas aaye do hi, shanivaar aur ravivaar.

Poora din masti me beete, khaate-peete-sote,

Na jaana pade class kabhi, sapne me bhi rote-rote.

College agar jaana bhi padhe, to ho sirf jagah teen,

Ek hamara Computer Centre, masti bhare Club aur Canteen.

Saara samay bitaaye hum kisi jheel ke kinaare,

Aur soche sapne bade haseen aur pyaare-pyaare.

Socho, doston socho, sochne me koi Tax nahi lagega,

Kuch mazedaar, yaadgaar socho, zindagi bhar woh yaad rahega.

Socho to duniya kuch bhi nahi, aur socho to yeh hai badi hi haseen,

Socho to yeh badi berang hai aur, socho to hai dilkush, dilnasheen.

Sochna samay ki zaroorat hai yaaron, kuch bhi socho, par zaroor socho,

Socho to kya hoga? Yeh na socho kabhi, Par duniya tumhare sochne se hai, yeh zaroor socho.

Kavita kya hai?

"Kavita" kya hai.....??? Yeh samajhi nahi jati, sirf mahsus ki jati hai....

Kavita.... Kya hai yeh? Kya hai yeh phool gulaab ka?
Kavita.... Kya hai yeh? Kya hai yeh sukoon khwaab ka?
Kavita.... Kya hai yeh? Kya hai yeh junoon shawaab ka?
Kavita.... Kya hai yeh? Kya hai yeh suroor sharaab ka?
Kavita.... Kya hai? Baadal hai? Panchhi hai? Nadiyaa hai?
Kavita.... Kya hai? Parwat hai? Ambar hai? Sadiyaa hai?
Kavita.... Kya hai? Kya hai yeh reshmi rut?
Kavita.... Kya hai? Kya hai rimjhimi barsaat?
Kavita.... Kya hai? Kya hai yeh koi din?
Kavita.... Kya hai? Kya hai yeh chaandni raat?
Kavita.... Kya hai yeh? Kya hai yeh koi saaz?
Kavita.... Kya hai yeh? Kya hai iska raaz?

For my Loving SIS

I wrote it for My Lovely Sis... and presented to her on her's 20th Birthday Party....

Dekhi duniya saari par, tujhsa nahi koi dekha,
Jeewan hai bas ek, saral si seedhi rekha.
Manzil nahi hai koi, phir bhi hai ek raah,
Phir kis se kaisa darr, aur kaisi koi chah.

Nadiyaan bhi to rekha hain, bas bahte chale jana hai,
Door kahin samandar me jakar mil jana hai.
Pakshi bhi to yahi daastaan karte hain bayaan,
Faila lo sare pankh aur chulo aasmaan.
Ant kabhi aata nahi, door kshitiz tak bhi,
Baar baar kah raha yahi, saagar agaah.
Manzil nahi hai koi, phir bhi hai ek raah,
Phir kis se kaisa darr, aur kaisi koi chah.

Hawaayen door gagan tak, yahi geet gaati hain,
Faila le aanchal, tujhe khushiyaan bulati hain.
Sadiyaan ho gayi parwat, kabhi thaka nahi,
Kabhi mukaabla koi, kar saka nahi.
Baati deepak me, sadaa hi jalti hai,
Rekha bhi jeewan me sadaa hi chalti hai.
Anant tak hai prem, anant hai jahaan,
Hum bhi karte hain tumhe, pyar athaah.
Manzil nahi hai koi, phir bhi hai ek raah,
Phir kis se kaisa darr, aur kaisi koi chah.

Dekhi duniya saari, tujhsa nahi koi dekha,
Jeewan hai bas ek, saral si seedhi rekha.

Thankyou God.... for the life

This poem was written when I was in time of great despairs. When I was disappointed with my life, disappointed with the atmosphere around me.... At that time, a sudden light enlightened my heart and it told me that, Life is the only Sweetest thing that God has given to us.... So live it to the fullest.... So, I just want to say Thanks once to the God who showed me the right path....

Shukriya ae Khuda,

Jo tune hame yeh zindagi di,

Hansne aur hansane ke liye,

Khush rahne aur muskurane ke liye,

Nafrat ki deewaren mitane ke liye,

Pyar is duniya par lutane ke liye,

Preetimay jeewan bitane ke liye,

Swarg is jahaan ko banane ke liye,

Har din ek utsav manane ke liye,

Jeewan me mithas badhane ke liye,

Aasmaan aur bulandiyaan chhu jane ke liye,

Krodh aur irshya par vijay pane ke liye,

Sabko apna banane ke liye,

Khush rahne aur khushi lutane ke liye,

Jeewan ye shaan se jee jaane ke liye,

Shukriya......