Monday, November 1, 2010

Main saagar odhe baitha hoon...


Ret ki chataai par,
Main saagar odhe baitha hoon.
Nanhi aankhon me baadal sang bahne ke,
Sapne liye baitha hoon.

Jo baarish ho kabhi os ki,
To sooraj mera chhaata ho.
Main titliyon aur bhanwro ko,
Apna geet sunaane baitha hoon.

Main taaro ko takiya banaye,
Chaandni odhe baitha hoon.
Andhere me jugnuon ke sath,
Roshni failaaye baitha hoon.

Jo dastak de khwaab ek,
Main hawaaon me kho jaaun kahin.
Main Pariyo ke intezaar me,
Palke bichhaye baitha hoon.

Ret ki chataai par,
Main saagar odhe baitha hoon.
Nanhi aankhon me apni ek
Duniya sajaaye baitha hoon.

5 comments:

  1. Hey,

    "main aapki kavita ki tareef karna baitha hu" :)
    quite exotic lines, i feel these are the feelings of a young boy; grown ups do not use these phrases,..

    ReplyDelete
  2. Shukriya :)

    We always grow old, but its never necessary to grow up also na.. :)

    ReplyDelete
  3. hai to bahut mast ....bas agar baitha ki jagah baithi hoti tohe he he.......

    ReplyDelete

Be it a Compliment or a Critique, Feel Free to Comment!