Chhoo lo wo Unchaiyaan

Jeewan ke is anubhav me,

Kai daur aise aayenge,

Kabhi khatthe, kabhi meethe,

Kabhi Sunahre pal laayenge,

To laayenge kabhi wo,

Pal gamo ki aandhi ke,

Kabhi wo aansu, baarish

Ban ke barsaayenge.

Wo banenge vishaal baadha,

Rokenge teri raah,

Chahenge tujhe haraana,

Kamjor karke teri chaah.

Par tu ye yaad rakhna,

Aur karna ek vishwaas,

Par nahi hain tere, to kya,

Chhuna hai aakash.

Lena tu seekh sab se,

Chahe wo ho koi rekha,

Manzil nahi hai uski,

Par chalti rahe hamesha.

Dekhna tu maati ka deepak,

Aur baati ka samarpan,

Dene prakash duniya ko,

Wo jalti rahe hamesha.

Sadiyaan ho gayi, parwat bhi

Kabhi thaka nahi,

Aur mukaabla koi,

Kar sakaa nahi.

Sun ye hawaa bhi,

Kya geet gaati hai,

Faila le pankh iraado ke,

Unchaiyaan bulati hain.

Aaz tu na thakna,

Aaz tu na rukna,

Chhoo le saara aakash,

Sab hai tera apna.

Ye jeewan hai, yahaan koi

Kal nahi jaanta,

Tu ud le aaz jee bhar,

Sach kar le apna sapna.

Tu chhoo le har khushi,

Tu chhoo le manzil,

Tu chhoo le aaz ruh,

Tu chhoo le saare dil,

Tu chhoo le saara jahaan,

Tu chhoo le haseen samaa,

Tu chhoo le har unchaayi,

Tu chhoo le aasmaan...

Tu chhoo le aasmaan...

Tu chhoo le saara jahaan....